‘Ndemo nissiogo
Come el moscon
in mezo a stansa.
‘Ndemo su e zo
Come queo dea Conad
Come l’aqua che te caressa,
Dolse Venessia.
Come l’uno de l’ACTV
Che dura tanto tempo
e mai no se destriga.
E tuto gira in tondo.
Che roda s-centrada
sta vida.
Ogni tanto nasse un fior
su sto Nissiogo de campo
Semo avansi de gaera.
Fruti dei me sensi,
semense da spuare.
Semo curti
come orgasmi
a San Silvestro
Semo anca bei
come i faggi del cansiglio
o come siegoi de alto mare.
Ma ndemo nissiogo.
Nissun escluso.
Verso el dolse naufragare.