Speciarse nei to oci
Perdarse nei to cavei
Silensiosa e foresta
Vantame e scampa via
In un zogo de putela
Scondite come serte idee…
Se semo parlai dele volte
Ma no se semo ditti i nomi
E me insogno ancora de conóserte
Sola al mondo
Col to alcolismo e a to fede
Ti me ricordi e me contraddisioni
Ogni tanto go idea
de conósere i to segreti
de capir el to mistero grando
Ma el fredo de Disembre
El vento e l’umido
Ti te ricorda de cossa te sì fatto
El tempo che core inesorabie
Par ti passa celere
Par ea xé un longo respiro
E a distansa che ve separa
Xè grève e pesante
E a xè fata de cemento